今次游小洲村不得了,有小洲村原居民带我哋行,沿路介绍。
我哋今次嘅导游姓“简”,简姓喺小洲村咩地位,大家都知道。所以我哋第一站嚟到简氏大宗祠。
正值下午时分,未入祠堂已经听到有人唱大戏,原来里面嘉告堂有一班村民喺度唱大戏。
地胆话畀我哋知,逢星期三、星期六佢哋都会自发性咁喺呢度唱大戏。
有人敲锣、有人打鼓,我哋地胆嘅爸爸都係乐队成员之一。劲咧!
“夹band”呢啲嘢真係无分年龄无分国界无分形式,开心就一齐嚟玩!
呢队band仲得过唔少奖项添啵!劲秋!
祠堂门口涌边有棵好大好大好大嘅榕树!宝贝!
除咗简氏大宗祠,以前见过嘅旧文物建筑都仲保留!
不过自始至终都未见过开门。
标志性建筑——小洲人民礼堂。
另一个标志——蚝壳屋!
可惜东方理发店已经转业变成食店。
好多旧铺都做饮食。
糖画呢啲集体回忆又可以喺度揾翻。十几秒钟就画出一条栩栩如生嘅金鱼。
不过小洲村依家主流嘅已经变成食店、咖啡店、服装店、精品店、纪念品店等现代商业店铺。
小洲村变咗“鼓浪屿2.0”。
一个钟头时间,地胆带我哋进行咗一次小洲村精华深度游!小洲村真係我哋广州嘅一块宝地!