人称九龙城黎明的香港猪肉佬劏猪劏到坐拥5个物业，豪花百万元买雀笼，全盛时期日卖二十六只猪，现在减至日卖六只，一只猪来货价约六千至七千元，每只猪赚约四成，阿爸高峰时有三间铺：我爸爸赚钱好叻，八十年代打一场麻雀输六千块钱，一份伙记人工都是三、四千块钱！
九龙城衙前塱道，半条街便有三间猪肉档，竞争激烈，街头有以平价猪肉见称的连锁店，位于街尾的一间却突围而出，经常人头涌涌，食家蔡澜都是熟客。
这间新兴肉食已有过半世纪历史，铺位的一半分租给牛肉档，亦是长龙店。猪肉档老板吴光伟，看来四十开外，手瓜起腱，腰腹没半点赘肉，经常笑容满面，原来已五十有八。街坊爱称他为「男神」，或「九龙城黎明」。
街市佬工时长，终日埋头苦干，阿伟却十分懂得享受人生。凌晨四时开工，下午太太接力后，他便自由活动。他说自己是两种痴：一种痴是运动狂，游水、跑步、跆拳道、泰拳、健身都涉猎过，近十年迷上瑜伽，是每日例行公事；另一种是宠物痴，养过蛇、牛蛙、猫、狗、乌龟，最爱便是养雀和观赏鸟笼玩雀杯，单是雀笼收藏保守估计价值过百万元。
「老实讲，街市佬好多都系死做烂做，工作时间太长，又经常体力劳动，好似我放工后，宁愿睇电视瞓觉，边会好似佢咁下午再去做运动。」新兴文记牛肉档辉哥说。
不少熟客专程跨区过来九龙城帮衬，熟客王先生说：「我住深井，专登揸车嚟买猪肉，认得人同铺，呢度重量足，猪肉新鲜，肉味同其他差得远，你要乜，渠都可以介绍到畀你。」访问期间记者遇上艺人泰山、胡诺言帮衬，连食家蔡澜都是熟客，更曾送赠两幅字画给阿伟。「嗰时我企档，有个女人走嚟买猪肉，话想煲粥，我话好呀！就畀咗猪软骨渠。第日呢个女人同蔡澜一齐嚟，蔡澜问我：『噚日你畀我嗰啲系乜嘢骨？嚿骨好正。』之后十几年来都搵我买猪肉。」阿伟全盛时期日卖二十六只猪，现在减至日卖六只，一只猪来货价约六千至七千元，每只猪赚约四成。
阿伟爸爸六十年前已在此铺位卖猪肉，高峰时有三间铺。「我爸爸赚钱好叻，渠本身卖开腊味鸡蛋，但后来见猪肉好赚，中途转行，又畀佢成功咗。但渠使钱都好叻，嗰时八十年代打一场麻雀输六千蚊，一份伙记人工都系三、四千蚊，渠日日都系咁，写支票打麻雀。」同一条街有三间铺，原本想三兄弟一人一间，最后因烂赌输剩这一间。「渠当时欠咗廿二万赌债，见我们三兄弟冇人继承，本身连呢间都想卖走。嗰时我好钟意去玩，经常去disco夜蒲，当时我太太意外怀孕，自己学历又唔高，与其出去打工，不如返嚟接手，嗰阵我太太十七岁，我十九岁，两公婆拍住上，卖猪肉做到而家，见到爸爸咁，我更加唔会去赌钱。」阿伟接手后便帮爸爸还赌债，总共还了一年多。
「年轻时同而家都系咁有型，佢话乜都会玩，只系唔玩女人。」位处同一条街的义香豆品负责人凤姐如此评价阿伟。他住铺位阁楼，每日下午两点半收工，其中一个嗜好是养雀。「我喺网上见到呢对南美鹦鹉全世界只有千五只，又畀我买到，呢对鹦鹉差唔多买咗十万蚊。」养雀仔已经有三十多年，伴随而来的兴趣是储雀笼及雀杯，他说这个嗜好很败家，家中有雀笼约廿个，大部份收藏是由已退休的本地四大雀笼名家制作，保守估计价值过百万元。「呢啲真系自己钟意，我好少会卖走，如果系当投资，不如去买楼买股票啦！」阿伟说，昔日自己玩雀笼雀杯很疯狂。「有一次喺茶餐厅见到一套雀杯好靓，就求渠转让畀我。嗰阵好兴戴金银润（劳力士），渠望住我只手表，叫我即刻除畀佢，再补两万蚊，我就跑去汇丰攞两万出嚟，再跑返茶餐厅拿走套杯。通常见到心水雀笼，我便会捐窿捐罅去求人卖给我。」
做街市为何有时间追求心头好，还是他的朋友小明一语中的。「冇人似佢咁，钱多，太太又肯为佢做，如果太太唔帮佢做，他好大镬。」阿伟太太相对文静，下午通常由她一人负责企档，切起猪肉来，巾帼不让须眉。她无奈地笑说：「咁多嘢等渠去玩，他点会定性吖！我都想我去玩，渠去企档，你睇吓渠肯唔肯？总之唔系太过份，我都会就渠。渠又唔会搵另一个女人，咁咪就吓渠啰，要想办法留住佢个心。」连阿伟亦半开玩笑地说：「我太太真系强人嚟！如果可以娶多个就好啦，我可以再做少啲。其实因为我哋凌晨四点开档，一直至晚上八点先收档，时间太长冇可能一个人做，我做一半，佢做一半，就可以摊分。我哋有伙记帮手拆猪，但始终企档系要管数，唔可能畀伙记做。」
阿伟有一子一女，但都没打算继承猪肉档，阿伟预计数年后便退休。阿伟女儿说：「虽然爸爸而家身光颈靓，有咁多雀笼、物业喺手，但渠同妈妈真系好努力，做足几十年，是付出努力同青春换嚟。你问我点解唔做，我唔似渠哋咁刻苦，而且我哋每人都有一层物业喺手。」阿伟说：「我唔识做老窦，总之渠哋舒服就得，能力范围内做到就做。渠哋冇人肯接手，我觉得好可惜，如果阿仔愿意当然最好。我经常话锄好块田，等渠嚟割禾都唔愿意，真系笨！渠答我一句：『我有楼、有车，如果系你会唔会挨？』」
